ಮೋದಿ 75ನೇ ಜನ್ಮದಿನಕ್ಕೆ ಜಗ್ಗೇಶ್‌ನ ಭಗವದ್ಗೀತಾ ಶೈಲಿಯ ವಿಶ್ ವೈರಲ್!

ಪ್ರಧಾನಿ ನರೇಂದ್ರ ಮೋದಿ ಅವರ 75ನೇ ಜನ್ಮದಿನದಂದು ದೇಶದ ಮೂಲೆ ಮೂಲೆಗಳಿಂದ ಶುಭಾಶಯಗಳ ಸುರಿಮಳೆಯೇ ಸುರಿಯುತ್ತಿದೆ. ಕರ್ನಾಟಕದ ನವರಸ ನಾಯಕ, ರಾಜ್ಯಸಭಾ ಸದಸ್ಯ ಜಗ್ಗೇಶ್ ತಮ್ಮದೇ ಆದ ವಿಭಿನ್ನ ಶೈಲಿಯಲ್ಲಿ ಮೋದಿಗೆ ಹಾರೈಸಿದ್ದಾರೆ. ಸಂಸ್ಕೃತದ ಭಗವದ್ಗೀತೆಯ ಶ್ಲೋಕದ ಮೂಲಕ ಮೋದಿಗೆ ಶುಭಕೋರಿರುವ ಜಗ್ಗೇಶ್ ಅವರ ಪೋಸ್ಟ್ ಅಭಿಮಾನಿಗಳ ಗಮನ ಸೆಳೆದಿದೆ.

ಜಗ್ಗೇಶ್ ತಮ್ಮ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಮೋದಿ ಅವರೊಂದಿಗೆ ತೆಗೆಸಿಕೊಂಡ ಫೋಟೋ ಹಾಗೂ ವಿಶೇಷ ಪೋಸ್ಟರ್ ಹಂಚಿಕೊಂಡಿದ್ದಾರೆ. ಜೊತೆಗೆ ಅವರು ಭಗವದ್ಗೀತೆಯ 5ನೇ ಅಧ್ಯಾಯದ 7ನೇ ಶ್ಲೋಕವನ್ನು ಉಲ್ಲೇಖಿಸಿದ್ದಾರೆ:

ವಿಜಿತಾತ್ಮಾ ಜಿತೇಂದ್ರಿಯಃ|
ಸರ್ವಭೂತಾತ್ಮಾಭೂತಾತ್ಮಾ
ಕುರ್ವನ್ನಪಿ ನ ಲಿಪ್ಯತೇ ||೭||

ಇಂದ್ರೀಯ ಮನಸ್ಸು ನಿಗ್ರಹಿಸಿ ಭಕ್ತಿಯಿಂದ ಯಾರು ಕಾರ್ಯಮಾಡುತ್ತಾರೆ ಆತ ಎಲ್ಲಾ ಜೀವಿಯ ಪ್ರಿಯನು ಹಾಗು ಎಲ್ಲರ ಮೇಲೆ ಕರುಣೆವುಳ್ಳವನು..
#narendramodi ರವರಿಗೆ ಹುಟ್ಟುಹಬ್ಬದ ಶುಭಾಶಯಗಳು.
Happy birthday sir

ಅರ್ಥ: ಇಂದ್ರಿಯಗಳನ್ನು ನಿಗ್ರಹಿಸಿ, ಶುದ್ಧ ಮನಸ್ಸಿನಿಂದ, ಯೋಗದಲ್ಲಿ ಸ್ಥಿತನಾಗಿ, ಎಲ್ಲರ ಹಿತದೃಷ್ಟಿಯಿಂದ ಕಾರ್ಯನಿರ್ವಹಿಸುವವನು ಯಾವುದೇ ಪಾಪದಿಂದಲೂ ಲಿಪ್ತನಾಗುವುದಿಲ್ಲ.

ಈ ಶ್ಲೋಕವನ್ನು ಉಲ್ಲೇಖಿಸಿ, ಜಗ್ಗೇಶ್ ಮೋದಿ ಅವರ ನಿಷ್ಠೆ, ದೃಢಸಂಕಲ್ಪ ಮತ್ತು ಪ್ರಜೆಗಳ ಮೇಲಿನ ಕರುಣೆಯನ್ನು ಹೊಗಳಿದ್ದಾರೆ.

ಜಗ್ಗೇಶ್ ತಮ್ಮ ಪೋಸ್ಟ್‌ನಲ್ಲಿ ಮೋದಿ ಅವರ ನಾಯಕತ್ವದ ಕುರಿತು ಹೀಗೆ ಬರೆದಿದ್ದಾರೆ: “ಮೋದಿ ಅವರ ದೃಢ ನಾಯಕತ್ವ ಮತ್ತು ಜನಪರ ಆಡಳಿತದಿಂದ ಭಾರತ ಹೊಸ ಯುಗಕ್ಕೆ ಪ್ರವೇಶಿಸುತ್ತಿದೆ. ಸ್ವಚ್ಛ ಭಾರತ್, ಆತ್ಮನಿರ್ಭರ್ ಭಾರತ್, ಡಿಜಿಟಲ್ ಇಂಡಿಯಾ ಮುಂತಾದ ಯೋಜನೆಗಳು ಅವರ ದೃಷ್ಟಿಕೋನದ ಪ್ರತಿಬಿಂಬ. ಇವು ಯುವ ಜನತೆಗೆ ಪ್ರೇರಣೆ ಹಾಗೂ ಕಾರ್ಯಕರ್ತರಿಗೆ ಮಾರ್ಗದರ್ಶಕ ಶಕ್ತಿ.” ಅವರು ಮೋದಿ ಅವರ ಆಯುಷ್ಯ, ಆರೋಗ್ಯ ಹಾಗೂ ಯಶಸ್ಸಿಗಾಗಿ ಪ್ರಾರ್ಥಿಸಿ, ಜನ್ಮದಿನದ ಹಾರೈಕೆ ಸಲ್ಲಿಸಿದ್ದಾರೆ.

ಜಗ್ಗೇಶ್ ಅವರ ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಕೂಡಾ ಕಾಮೆಂಟ್ ಬಾಕ್ಸ್‌ನಲ್ಲಿ ಮೋದಿ ಅವರಿಗೆ ಶುಭಾಶಯ ತಿಳಿಸಿದ್ದಾರೆ. ಜಗ್ಗೇಶ್ ಅವರ ಅಭಿಮಾನಿಗಳು: “ನೀವು ಹಾರೈಸಿದ ರೀತಿ ತುಂಬಾ ವಿಭಿನ್ನವಾಗಿದೆ, ಶ್ಲೋಕದ ಮೂಲಕ ಹಾರೈಸಿದ್ದು ಅತ್ಯಂತ ಅರ್ಥಪೂರ್ಣ” ಎಂದು ಹೊಗಳಿದ್ದಾರೆ.

ಪ್ರಧಾನಿ ಮೋದಿ ಅವರ ಹುಟ್ಟುಹಬ್ಬಕ್ಕೆ ಹಾರೈಸಿದವರ ಪೈಕಿ ಜಗ್ಗೇಶ್ ಅವರ ಶೈಲಿ ವಿಶೇಷವಾಗಿಯೇ ಹೊರಹೊಮ್ಮಿದೆ. ಭಗವದ್ಗೀತೆಯ ಶ್ಲೋಕದ ಮೂಲಕ ಮೋದಿಯನ್ನು ಹೊಗಳಿ ಶುಭಕೋರಿರುವುದು ಕೇವಲ ರಾಜಕೀಯ ಹಾರೈಕೆಯಲ್ಲ, ಒಂದು ಆಧ್ಯಾತ್ಮಿಕ ಸಂದೇಶವನ್ನೂ ಒಳಗೊಂಡಿದೆ.